Prenteboekie vir Artikulasie: r klank

Nou opgedateer en bygewerk! Artikulasie Prenteboekie: /r/ klank. 288 prente van woorde (4 per bladsy) wat die /r/ klanke bevat in die begin-, middel- en eindposisies, asook in konsonant-klusters. Handig vir die inoefening van die /r/ klanke in woorde, frases en sinne. Lamineer en/of ringbind vir 'n prenteboekie of tuisprogram of gebruik as kaartjies vir "snap", "Lotto" en bordspeletjies. Ander moontlikhede is woordeskat ontwikkeling en fonologiese bewustheid. Hierdie is slegs 'n prenteboekie. Speletjies is nie ingesluit nie. Leerder kan elke keer 'n sirkel inkleur as die woord geoefen is. Daar word ook 'n tiklys vir ouers of terapeute verskaf. Dis 'n stapel in die praktyk! 84 Bladsye om uit te druk. Let wel, hierdie boekies bevat net prentjies vir baie herhaling en inoefening van die teikenklank en behoort ingespan te word saam met die leerder se gunsteling bordspeletjie of speelding. Dis nie 'n program met terapie-aktiwiteite nie...eerder 'n taamlik omvattende prentjie indeks om hierdie leemte in Afrikaanse materiaal aan te vul.